سابق وفاقی وزیر منصوبہ بندی اور مرکزی سیکرٹری جنرل پاکستان تحریک انصاف اسد عمر نے کہا ہے کہ فیصلہ سازوں کے پاس دو راستے ہیں۔

تفصیلات کے مطابق اسد عمر نے سماجی رابطے کی ویب سائٹ ٹوئٹر پر اپنے جاری کردہ ایک بیان میں کہا کہ فیصلہ سازوں کے پاس دو راستے ہیں، ایک ریاستی طاقت کے استعمال کا ہے جو عوام اور ریاست میں ٹکراؤ اور معیشت کی تباہی کا راستہ ہے۔

ان کا کہنا تھا کہ دوسرا راستہ جلد الیکشن کا اعلان اور بڑے معاشی فیصلوں کا ہے، یہ معاشی، معاشرتی استحکام کا راستہ ہے جس سے جمہوریت بھی مضبوط ہو۔