وفاقی وزیر داخلہ رانا ثناءاللہ نے کہا ہے کہ عمران خان پر کرپشن کے بہت سے کیسز ہیں، انہیں گرفتار کیا جا سکتا ہے۔

وزیر داخلہ نے شیخ رشید کے بیان پر ردعمل دیتے ہوئے رانا ثناءاللہ کا کہنا تھا  کہ ہر روز فوجی قیادت کو دعوت دینے والے نے آج پالش اور برش اٹھالیا ہے۔ انہوں نے کہا کہ  ایک دن گالی، اگلے دن قوالی، یہ باس اور چپڑاسی کی سیاسی زندگی کی کل کہانی ہے۔

رانا ثناءاللہ کا کہنا تھا کہ اب الیکشن ہی ہوں گے، باس اور چپڑاسی اسی لئے پریشان ہیں، چار سال کالے کرتوت دکھانے والے اب کالی نیت سے بیان بازی کر رہے ہیں۔

انہوں نے کہا کہ جھاڑو، گالی، آگ لگا دو، خون خرابہ یہ ان کا ذہنی معیار ہے، اخلاقی دیوالیہ پن کا شکار اس ٹولے نے ملک کو معاشی دیوالیہ پن کی نہج پر پہنچا دیا، ٹی وی سے سیاسی زندگی پانے والے آؤٹ ہونے کے بعد نہ صرف وکٹیں لے کر بھاگ گئے، بلکہ اب پورا سٹیڈیم گرانا چاہتے ہیں۔