پاکستان تحریک انصاف کے رہنما عثمان ڈار  نے کہا ہے کہ یہ طوفان اور جنون اب رکنے والا نہیں۔

گرفتاری کے بعد سماجی رابطے کی ویب سائٹ ٹوئٹر  پر پی ٹی آئی رہنما عثمان ڈار نے اپنا ویڈیو بیان جاری کرتے ہوئے بتایا کہ آج ہمیں سیالکوٹ سے گرفتار کیا  گیا اور پرسنر وین میں ڈال دیا گیا۔

جاری کردہ ویڈیو بیان میں عثمان ڈار نے کہا کہ یہ لوگ سمجھتے ہیں کہ ایسا کرنے سے  ہمارے دل میں کپتان کے لیے  جو محبت ، جنون اور جذبہ اسکو ختم کردینگے۔انہوں نے کہا کہ کان کھول کر سن لو ہم جیل سے باھر نکل کر ایک بارپھر آزادی کی تحریک چلائے گے اور جلسہ کرینگے، یہ طوفان اور جنون اب رکنے والا نہیں ہے۔عثمان ڈار نے کہا کہ ہم عمران خان سے ساتھ ڈٹ کے کھڑے اور ان کے ساتھ کبھی وفادری نہیں چھوڑیں گے۔انہوں نے مزید کہا کہ ہم عمران خان کی قیادت میں ان امریکہ کے غلاموں کی حکومت  کو ہمیشہ ہمیشہ کے لیے ختم کردینگے۔

We will fight against this imported Khakumat till my last blood 🩸 in my body.. pic.twitter.com/kWdXfEABep

— Usman Dar (@UdarOfficial) May 14, 2022

واضح رہے کہ سیالکوٹ میں پاکستان تحریک انصاف کے آج ہونے والے جلسے کی تیاریوں کے دوران عثمان ڈار سمیت متعدد کارکنان کو گرفتار کرلیا گیا ہے۔