سابق گورنر پنجاب چوہدری سرور نے کہا ہے کہ وزیراعلیٰ پنجاب عثمان بزدار کا استعفیٰ وزیراعظم کی ہدایات کے بعد منظور کیا تھا۔

لاہورمیں بزنس کونسل کے سیمینار کے موقع پر میڈیا سے گفتگو کرتے ہوئے سابق گورنر پنجاب چوہدری سرور کا کہنا تھا کہ سیاسی گرمی بھی بہت بڑھ گئی ہے، اس موقع پر غیر یقینی صورتحال ختم کرنے کیلئے اپنا کردار ضرور ادا کروں گا، فی الحال ایک ہفتے کیلئے دبئی جارہا ہوں۔

انہوں نے کہا کہ وزیر اعلیٰ پنجاب کا استعفیٰ وزیراعظم کی ہدایات کے بعد منظور کیا تھا ، اس وقت 6 وزراء اور اسپیکر پنجاب اسمبلی بھی گورنر ہاؤس میں موجود تھے، سب کہہ رہے تھے کہ استعفیٰ منظور کیا جائے۔

چوہدری سرور کا کہناتھا کہ پوری تحریک انصاف ایک نکتے پر  متفق تھی کہ پنجاب میں اپنی پارٹی سے امیدوار لایا جائے۔