وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ بڑے ڈیم بنانے کا سلسلہ اب ختم ہوگیا ہے۔

کراچی میں موسمیاتی تبدیلی سے متعلق تقریب سے خطاب کرتے ہوئے شیری رحمان نے کہا کہ درخت لگانے میں صوبہ سندھ سب سے آگے رہا ہے، ماحولیات کے تحفظ کیلئے قوانین پر عمل درآمد ضروری ہے۔

انہوں نے کہا کہ توانائی کیلئے متبادل ذرائع کا استعمال کرنا ہوگا، توانائی کی ضرورت سولر اور ونڈ انرجی سے پوری کرسکتے ہیں۔

شیری رحمان نے مزید کہا کہ موسمیاتی تبدیلی کے باعث گرمی بڑھ رہی ہے، آلودگی میں ہمارا حصہ سب سے کم ہے لیکن زیادہ متاثر ہم ہیں۔

وفاقی وزیر نے کہا کہ بڑے ڈیم بنانے کا سلسلہ اب ختم ہوگیا ہے، دریائے سندھ کے ڈیلٹا کا 90 فیصد حصہ ختم ہوگیا ہے۔