وزیراعظم شہباز شریف کی جانب سے طلب کئے گئے وفاقی کابینہ کے اہم  اجلاس کا پانچ نکاتی ایجنڈا جاری کردیا گیا ہے۔

وزیراعظم کی زیر صدارت وفاقی کابینہ کا اجلاس کل صبح 10:45 پر ہوگا۔ایجنڈے کے مطابق  اجلاس میں ای سی سی کے فیصلوں کی توثیق کی جائے گی، کابینہ کے اجلاس میں ریٹائرمنٹ کی ڈائریکٹری رپورٹ پیش کی جائے گی، اور پاکستان کی 75ویں سالگرہ پر اعزازی نوٹ کے اجرا کی منظوری بھی دی جائے گی۔

ایجنڈے کے مطابق کابینہ کو ملکی درآمدات،  برآمدات اور تجارتی توازن کی صورتحال پر بریفنگ دی جائے گی،  علاوہ ازیں  سافٹ ویئر ایکسپورٹ اور آئی ٹی شعبے کی شرح نمو کا جائزہ لیا جائے گا۔

ذرائع کے مطابق  آئی ایم ایف سے ممکنہ ڈیل سمیت معاشی صورتحال پر بریفنگ دی جائے گی، اور عام  انتخابات سمیت دیگر اہم امور پر بھی مشاورت کی جائے گی۔