دوسری شادی کے خواہشمند شوہر کو قتل کرنے والی بیوی کو عمر قید کی سزا سنا دی گئی ہے۔

تفصیلات کے مطابق عدالت نے مجرمہ روبینہ پر عمر قید کی سزا کے ساتھ پانچ لاکھ روپے کا جرمانہ بھی عائد کیا ہے۔

یہ بھی پڑھیے: دوسری شادی کی خواہش کے اظہار پر بیوی نے شوہر کو قتل کر دیا

یادرہے روبینہ کا شوہر ذوالفقار علی دوسری شادی کا خواہشمند تھا، اور اس کے اظہار پر  خاتون نے  فائرنگ کرکے اسے  قتل کر دیاتھا۔

واقعے کا مقدمہ جنوری 2022ء میں مقتول کے والد کی مدعیت میں درج کیا گیا تھا۔

راولپنڈی پولیس کے مطابق ملزمہ روبینہ نے شوہر پر 12 بور پسٹل کے فائر کر کے سوتے ہوئے قتل کیا تھا، اور خاتون جائے حادثہ سے فرار ہوگئی تھی۔