پاکستان تحریک انصاف کے ناراض رکن پنجاب اسمبلی نے سابق وزیراعظم عمران خان اور فرح گوگی پر پھر الزامات عائد کئے ہیں۔

نجی نشریاتی ادارے کے پروگرام میں گفتگو کرتے ہوئے عون چوہدری کا کہنا تھا کہ پنجاب میں پوسٹنگ اور ٹرانسفرکے حوالے سے خواب بنی گالہ میں دیکھا جاتا تھا اور اس کیلئے بیگ لاہور پہنچ جاتا تھا۔ عون چوہدری نے کہا کہ  اس معاملے میں خاور مانیکا اور ان کے بیٹے سمیت پورا گینگ ملوث تھا ۔

 عون چوہدری کا مزید کہنا تھا کہ میں نے سابق وزیراعظم عمران خان کو بتایا تھا کہ پنجاب کو فرح گوگی اور احسن گجر چلا رہے ہیں ۔

عون چوہدری نے کہا کہ پنجاب میں مانیکا خاندان ایسے حکمرانی کر رہا تھا جیسے ان کے باپ کو وزیر اعظم لگا دیا گیا ہو۔ انہوں نے کہا کہ میرا دل  خون کے آنسو روتا ہےکہ وہ اس حکومت کا حصہ کیوں رہے ۔