شاہ محمود قریشی نے کہا ہے کہ سپریم کورٹ کے فیصلے کے درست نتائج ہوں گے۔
پاکستان تحریک انصاف کے رہنما شاہ محمود قریشی نے میڈیا سے گفتگو کرتے ہوئے کہا ہے کہ سپریم کورٹ نے بروقت ازخود نوٹس لیا، جن پرکیسز ہیں وہی افسران کے تبادلے کر رہے ہیں۔
انہوں نے کہا کہ پراسیکیوشن، ایف آئی اے و دیگر افسران کو دھمکیاں دی گئیں، سپریم کورٹ کا فیصلہ انصاف کی شفافیت کیلئے بہت بڑا قدم ہے، اوپن اینڈ شٹ کیسز ہیں، حکومت تاخیری حربے استعمال کررہی ہے۔
شاہ محمود قریشی نے کہا ہے کہ سپریم کورٹ کے فیصلے کے درست نتائج ہوں گے، سپریم کورٹ کے فیصلے سے پارلیمانی نظام میں استحکام ہوگا، ضمیرفروشوں کی حوصلہ شکنی ہوگی۔
پاکستان تحریک انصاف کے رہنما نے کہا کہ وفاداریاں تبدیل کرنے سے سسٹم اور ادارے کمزور ہوں گے۔