سابق خاتون اول بشریٰ بی بی کی قریبی دوست فرح خان اور ان کے شوہر احسن جمیل گجر کے خلاف آمدن سے زائد اثاثہ جات کیس میں بڑی پیش رفت سامنے آئی ہے۔

ذرائع کے مطابق نیب کی تحقیقاتی ٹیم نے نیب کے اعلیٰ حکام سےفرح خان کی طلبی کے نوٹس ارسال کرنےکی اجازت کی درخواست کردی ہے۔

ذرائع کا کہنا ہے کہ  نیب نے دونوں میاں بیوی کےخلاف ریکارڈ کی وصولی کیلئے 100 سے زائد مراسلے مختلف حکومتی اور نجی اداروں کو ارسال کئے گئے تھے۔ ان سے موصول ہونے والے ریکارڈ کا جائزہ لینے کے بعد تحقیقاتی ٹیم اس نتیجے پر پہنچی ہےکہ فرح خان کی طلبی کے نوٹس جاری کئے جائیں۔

 ذرائع نے بتایا ہے کہ فرح خان کےخلاف تحقیقات  میں حیرت انگیز شواہد سامنے آرہے ہیں، جس کی بنا پر ان کی فوری طور پر طلبی کیلئےمقامی پتے پر نوٹس ارسال کرنے کا فیصلہ کیا گیا ہے۔