الیکشن کمیشن پاکستان پی ٹی آئی کے 25 منحرف ارکان پنجاب اسمبلی کے مستقبل کا فیصلہ کل سنائےگا۔
تفصیلات کے مطابق الیکشن کمیشن کے پاس فیصلہ سنانے کیلئے کل آخری دن ہےکیونکہ الیکشن کمیشن ارکان کے خلاف ریفرنس پر تیس روز میں فیصلہ سنانےکا پابند ہے۔
یاد رہے کہ پی ٹی آئی کے منحرف ارکان اسمبلی نے وزیراعلیٰ پنجاب کے انتخاب میں حمزہ شہباز کو ووٹ دیا تھا جس کے بعد پاکستان تحریک انصاف کی جانب سے 25 منحرف اراکین کے خلاف ریفرنس بھیجا گیا تھا۔
الیکشن کمیشن نے اس ریفرنس کا فیصلہ منگل کو محفوظ کیا تھا، جو کل سہ پہر تین بجے سنایا جائےگا۔
