آئی جی پولیس اسلام آباد احسن یونس کو  تبدیل کر کر کے  ان کی جگہ ڈاکٹر اکبر ناصر خان کو نیا آئی جی اسلام آباد تعینات کر دیا گیا ہے۔

آئی جی اسلام آباد احسن یونس کی تبدیلی کا باقاعدہ نوٹیفکیشن بھی جاری کر دیا گیا ہے۔

اسٹیبلشمنٹ ڈویژن کی جانب سے جاری نوٹیفکیشن  میں بتایا گیا ہے کہ ڈاکٹر اکبر ناصر خان نئے آئی جی اسلام آباد ہوں گے۔

سابق آئی جی اسلام آباد احسن یونس سمیت ایس ایس پی آپریشنز اسلام آباد پولیس محمد فیصل کو بھی تبدیل کر کے  ان کی خدمات پنجاب کے حوالے کر دی گئی ہیں۔

علاوہ ازیں گریڈ 19 کے افسران سہیل ظفر چٹھہ اور  یاسر آفریدی کی خدمات بھی وفاق کے سپرد کر دی گئی ہیں۔

یاد رہے کہ دسمبر 2021ء میں قاضی جمیل الرحمان کو ان کے عہدے سے ہٹا کر احسن یونس کو آئی جی اسلام آباد تعینات کیا گیا تھا۔