پاکستان تحریک انصاف  کی رہنما اور سابق وفاقی وزیر برائے انسانی حقوق شیریں مزاری پر درج مقدمے کی  تفصیلات سامنے آگئی ہیں۔

تفصیلات کے مطابق شیریں مزاری پر مقدمہ 11 مارچ 2022ء کو درج کیا گیا،جس کا شکایت نمبر 1272 ہے۔ مسودے کے مطابق ڈپٹی کمشنر راجن پور کی درخواست  پر  یہ مقدمہ اینٹی کرپشن پنجاب نے اسسٹنٹ کمشنر راجن پور کی شکایت پر درج کیا۔

دستاویز کے مطابق شیریں مزاری پر زمین پر ناجائز قبضے کا الزام ہے، جس کی  اسٹنٹ کمشنر راجن پور کو تحقیقات کی ہدایت کی گئی ہے۔

مقدمے کے متن میں کہا گیا ہےکہ 8 اپریل کو اسسٹنٹ کمشنر نے اپنی رپورٹ تیار کی، اینٹی کرپشن اسٹیبلشمنٹ نے اپنے رولز مجریہ 2014ء کے تحت کرمنل مقدمہ درج کیا۔