سابق وزیر انسانی حقوق ڈاکٹر شیریں مزاری کی گرفتاری کے بعد پاکستان تحریک انصاف نے ملک گیر احتجاج کی کال دے دی ہے۔
ٹوئٹر پر جاری اپنے بیان میں سابق وزیر اطلاعات فواد چوہدری کا کہنا تھا کہ ڈاکٹر شیریں مزاری کی بہیمانہ گرفتاری کیخلاف تحریک انصاف نے پورے ملک میں احتجاج کی کال دی ہے۔
ڈاکٹر شیریں مزاری @ShireenMazari1 کی بہیمانہ گرفتاری کے خلاف تحریک انصاف نے پورے ملک میں احتجاج کی کال دی ہے، کارکنوں سے گزارش ہے آج شام سات بجے پورے ملک میں اپنی مقامی قیادت کی ھدایات کی روشنی میں احتجاج کیلئے باہر نکلیں #امپورٹڈ_حکومت_نامنظور
— Ch Fawad Hussain (@fawadchaudhry) May 21, 2022
فواد چوہدری نے کہا کہ کارکنوں سے گزارش ہے آج شام سات بجے پورے ملک میں اپنی مقامی قیادت کی ہدایات کے مطابق احتجاج کیلئے باہر نکلیں۔
یاد رہے کہ آج سابق وفاقی وزیر انسانی حقوق ڈاکٹر شیریں مزاری کو اسلام آباد سے گرفتار کر لیا گیا ہے۔شیریں مزاری پر مقدمہ 11 مارچ 2022ء کو درج کیا گیا،جس کا شکایت نمبر 1272 ہے۔ مسودے کے مطابق ڈپٹی کمشنر راجن پور کی درخواست پر یہ مقدمہ اینٹی کرپشن پنجاب نے اسسٹنٹ کمشنر راجن پور کی شکایت پر درج کیا ہے۔
