رہنماء پاکستان تحریک انصاف شیریں مزاری کی گرفتاری پر چیئرمین پی ٹی آئی عمران خان کا ردعمل سامنے آ گیا ہے۔
ٹوئٹر پر جاری اپنے بیان میں سابق وزیراعظم عمران خان کا کہنا تھا کہ ہماری سینئر رہنماء ڈاکٹر شیریں مزاری کو ان کے گھر کے سامنے سے اس فاشسٹ حکومت نے اغواء کیا ہے۔
Our movement is completely peaceful but this fascist imported govt wants to push the country towards chaos. As if sending the economy into tailspin wasn't enough,they now want anarchy to avoid elections.
Today we will protest and tmrw after CC meeting I’ll announce our Long March— Imran Khan (@ImranKhanPTI) May 21, 2022
چیئرمین پی ٹی آئی کا کہنا تھا کہ شیریں مزاری بہت مضبوط اور نڈر خاتون ہیں، اگر امپورٹڈ حکومت یہ سمجھتی ہے کہ ان فسطائیت کے ہتھکنڈوں سے وہ انہیں ڈرا سکتی ہے، تو انہوں نے بہت غلط اندازہ لگایا ہے۔
سابق وزیراعظم نے کہا کہ ہماری بالکل پرامن ہے، لیکن امپورٹڈ اور فسطائی حکومت ان ہتھکنڈوں سے ملک میں افراتفری چاہتی ہے۔ انہوں نے کہا کہ یہ حکومت معیشت کو تباہ کرنے کے بعداب الیکشن نہ کرانے کیلئے ملک میں انارکی پیدا کرنا چاہتی ہے۔ مزید کہا کہ آج ہم ملک گیر احتجاج کریں گے، اور کل کور کمیٹی کی میٹنگ کے بعد میں لانگ مارچ کی تاریخ کا اعلان کروں گا۔
یاد رہے کہ آج سابق وفاقی وزیر انسانی حقوق ڈاکٹر شیریں مزاری کو اسلام آباد سے گرفتار کر لیا گیا ہے۔شیریں مزاری پر مقدمہ 11 مارچ 2022ء کو درج کیا گیا،جس کا شکایت نمبر 1272 ہے۔ مسودے کے مطابق ڈپٹی کمشنر راجن پور کی درخواست پر یہ مقدمہ اینٹی کرپشن پنجاب نے اسسٹنٹ کمشنر راجن پور کی شکایت پر درج کیا ہے۔
