قومی اسمبلی میں قائد حزب اختلاف شہباز شریف نے کہا ہے کہ سابق چیف جسٹس ثاقب نثار کی مبینہ آڈیو ٹیپ کے بعد پوری قوم عدلیہ کی جانب دیکھ رہی ہے۔
ٹوئٹر پر اپنے بیان میں شہباز شریف کا کہنا تھا کہ سابق چیف جسٹس کے سامنے آنے والے نئے آڈیو کلپ سے ظاہر ہوتا ہے کہ نواز شریف اور مریم نواز کو سیاسی عمل سے باہر رکھنے کے لئے ایک بڑے منصوبے کے تحت نشانہ بنایا گیا۔وقت آگیا ہے کہ ان کے ساتھ روا رکھی جانے والی غلطی کو ٹھیک کیا جائے۔ پوری قوم نظام عدل کی طرف دیکھ رہی ہے۔
سابق چیف جسٹس کے سامنے آنے والے نئے آڈیو کلپ سے ظاہر ہوتا ہے کہ نواز شریف اور مریم نواز کو سیاسی عمل سے باہر رکھنے کے لئے ایک بڑے منصوبے کے تحت نشانہ بنایا گیا۔وقت آگیا ہے کہ ان کے ساتھ روا رکھی جانے والی غلطی کو ٹھیک کیا جائے۔ پوری قوم نظام عدل کی طرف دیکھ رہی ہے۔ https://t.co/M3LkySCPz8
— Shehbaz Sharif (@CMShehbaz) November 22, 2021
یاد رہے کہ گذشتہ روز نجی ادارے کے ایک صحافی نے اپنی رپورٹ میں ایک آڈیو کو مبینہ طور پر سابق چیف جسٹس پاکستان ثاقب نثار سے منسوب کیا تھا، جس میں وہ کہہ رہے تھے کہ ہمارے ہاں فیصلے ادارے دیتے ہیں، اس کیس میں میاں نواز شریف کو سزا دینی ہے، ہمیں کہا گیا ہے کہ ہم نے خان صاحب کو لانا ہے، یہ فیصلہ بنتا نہیں، لیکن اب کرنا پڑے گا، بیٹی کو بھی سزا دینی پڑے گی۔ دوسری جانب سے کہا جاتا ہے کہ بیٹی کو سزا تو نہیں بنتی، جس پر ثاقب نثار کہتے ہیں کہ آپ بالکل جائز ہیں، میں نے اپنے دوستوں سے بھی کہا کہ اس پر کچھ کیا جائے، لیکن میرے دوستوں نے اتفاق نہیں کیا۔ اب عدلیہ کی آزادی نہیں رہے گی، لیکن ایسا کرنا پڑے گا۔
