ایران کی مسلح افواج نے جدید ٹیکنالوجی سے لیس ڈرون طیاروں کی خفیہ بیس کی رونمائی کر دی ہے، زیر زمین بیس میں 100 سے زائد ڈرونز موجود ہیں۔
ایرانی میڈیا رپورٹ کے مطابق ایرانی مسلح افواج کے چیف آف اسٹاف جنرل محمد باقری نے ملکی ڈرون پاور کے حامل خفیہ مرکز کا معائنہ کیا، سائٹ کو اسٹریٹجک ڈرونز کیلئےایک محفوظ آپریشنل بیس قرار دیا۔
ایرانی افواج نے زیر زمین بیس سے متعلق معلومات فراہم کیں لیکن ڈرونز بیس کا مقام خفیہ رکھا ہے۔
عالمی خبررساں ادارے کی رپورٹ کے مطابق خلیج میں بڑھتی ہوئی کشیدگی کے وقت ایران کی جانب سے جاری کی گئی زیر زمین بیس نے عالمی توجہ حاصل کرلی ہے۔
زیرزمین ڈرونز کا یہ ٹھکانہ کئی سو کلو میٹر کی گہرائی میں بنایا گیا ہے جس میں کشادہ سڑکیں ہیں اور غار یا ٹنل جیسی تعمیرات بھی ہیں۔
