ترکی کےصدر رجب طیب اردوان نے اپنےیوکرینی ہم منصب ولادیمیر زیلنسکی سے ٹیلیفون پر بات چیت کی ہے۔

ترک نشریاتی ادارے کے مطابق ایوان صدر کے ڈائریکٹوریٹ آف کمیونیکیشن نے اپنے ایک بیان میں کہا ہے کہ  صدر اردوان نےولادیمیر زیلنسکی کےساتھ ٹیلیفونک رابطے میں 24 فروری سے جاری یوکرین روس جنگ کی تازہ ترین پیش رفت پر تبادلہ خیال کیا۔

اس موقع پرصدر اردوان نے کہا کہ انہوں نے یوکرین اور روس کے درمیان مذاکرات کو جاری رکھنے کی ہر ممکن کوشش کی ہے اور ثالثی سمیت درکار تعاون فراہم کرنے کیلئے تیار ہیں۔

انہوں نے کہا کہ وہ روس، یوکرین اور اقوام متحدہ کی شراکت سے قائم کئے جانے والے کنٹرول سینٹر میں شرکت اور اصولی طور پر استنبول میں مرکز کی میزبانی کو مثبت انداز میں دیکھتے ہیں۔

یاد رہے کہ روسی افواج نے یوکرین کے سینکڑوں فوجیوں کی جانب سے ہتھیار ڈالنے کے بعد  یوکرین کے اہم شہر ماریوپول کا بھی کنٹرول حاصل کر لیا ہے۔