سعودی حکومت نے حج کے دوران پیشگی اجازت نامے کے بغیر ریاض الجنہ میں داخلے پر پابندی عائد کر دی۔
وزارت مذہبی امور کا کہنا ہے کہ کورونا ایس او پیزاور شدید رش سے بچنے کیلئے سعودی حکام نے یہ فیصلہ کیا۔ اس سلسلے میں ریاض الجنہ میں داخلے کو پیشگی اجازت نامے سے مشروط کیا گیا ہے۔
وزارت مذہبی امور نے ہدایت کی ہے کہ مدینہ منورہ پہنچنے والے عازمین حج سعودی اجازت نامے کے بغیر ریاض الجنہ نہ جائیں۔ ریاض الجنہ میں اجازت کے بغیر داخلہ کی صورت میں سعودی قوانین کے مطابق بھاری جرمانہ عائد ہو گا۔
وزارت مذہبی امور نے اس کے متعلق وضاحت کی ہے کہ مسجد نبوی ﷺکے دیگر حصوں میں نماز کی ادائیگی کیلئے اجازت نامے کی ضرورت نہیں۔
