وفاقی وزیر اطلاعات و نشریات چوہدری فواد حسین نے بین الاقوامی بین المذاہب امن کانفرنس سے خطاب کرتے ہوئےکہا ہے کہ اسلام اور نبی کریمﷺ کے نام پر سیاست نہیں ہونی چاہئے، اسلام ہمیں امن کا درس دیتا ہے، بین المذاہب ہم آہنگی پرامن دنیا کے لئے ناگزیر ہے، نبی کریمﷺ رحمت العالمین ہیں، وزیراعظم عمران خان سچے عاشق رسولﷺ ہیں، حکومت نے اسلامو فوبیا کے حوالے سے عالمی سطح پر آواز بلند کی۔
وزیراعظم عمران خان بہت بڑے عاشق رسول ﷺہیں جس طرح انہوں نے سیرت النبی ﷺ کےلئیے کام کیا، اسلاموفوبیا کیخلاف علم بلند کیا یا مغرب کو حرمت رسول ﷺسے روشناس کرایا وہ مثالی ہے علماء پر یہ زمہ داری ہے کہ وہ مذہب کے نام پرشدت پسندی کومسترد کریں۔ @fawadchaudhry
pic.twitter.com/8EmSg8gBy5— PTI (@PTIofficial) November 24, 2021
وفاقی وزیر اطلاعات نے کہا کہ یہ تاثر غلط ہے کہ اسلام تلوار سے پھیلا، صوفیا کرام نےہمیں اسلام کے عظیم مذہب سے ہمیں روشناس کرایا۔انہوں نے کہا کہ اسلام ہمیں امن کا درس دیتا ہے، بین المذاہب ہم آہنگی پرامن دنیا کے لئے ناگزیر ہے۔ انہوں نے کہا کہ سیاست میں ہر چیز کو مسخ کر کے پیش کیا جاتا ہے، ہمارے ہاں بھی ایسے مسائل موجود ہیں، اسلام اور نبی کریمﷺ کے نام پر سیاست نہیں ہونی چاہئے۔
چوہدری فواد حسین نے کہا کہ اس سے بڑا ظلم کوئی نہیں ہو سکتا کہ سرکار دو عالمﷺ کے نام کو چھوٹے چھوٹے ذاتی مفادات کے لئے استعمال کیا جائے۔ انہوں نے کہا کہ مذہب کے نام پر شدت پسندی کو مسترد کرنا ہمارا فرض ہے، اس ضمن میں علما کرام کو قومی سطح پر اپنا کردار ادا کرنا چاہئے، بیرونی عوامل پر بات کرنا حکومت کا کام ہے۔ انہوں نے بین المذاہب امن کانفرنس کے انعقاد پر وزارت مذہبی امور اور دیگر منتظمین کو مبارکباد پیش کی۔
اسلام امن و آشتی کا دین ہے جسکا پیغام وحدانیت اور انسانیت پر ہے ہمارے نبی ﷺکو قرآن میں رحمت العالمین کہا گیا لیکن دین کا نام لیکر ذاتی مفاد اور سیاست کی ملاوٹ سے ابھرنے والے مسائل پر علماء کرام کو غور و فکر اور قوم کے لیئے راہ کا تعین کرنا چاہیئے۔ @fawadchaudhry pic.twitter.com/DlCqBKUYUl
— PTI (@PTIofficial) November 24, 2021
