وفاقی وزیر اطلاعات فواد چوہدری نے کہا ہے کہ پٹرولیم ڈیلر ایسوسی ایشن نے ملک گیر ہڑتال ختم کر دی ہے۔
ٹوئٹر پر اپنے بیان میں فواد چوہدری کا کہنا تھا کہ تین اچھی خبریں ہیں۔
- پٹرولیم ڈیلرز ایسوسیشن ایشن نے ہڑتال ختم کر دی
- سعودی عرب نے پاکستان سے براہ راست فلائٹس شروع کرنے کا اعلان کر دیا
- سعودی عرب سے تین ارب ڈالر کی ٹرانسفر میں تمام قانونی معاملات طے ہوگئے اور یہ ڈالر اس ہفتے پاکستان کو مل جائینگے
تین اچھی خبریں 1) پٹرولیم ڈیلرز ایسوسیشن ایشن نے ہڑتال ختم کر دی 2) سعودی عرب نے پاکستان سے براہ راست فلائٹس شروع کرنے کا اعلان کر دیا 3) سعودی عرب سے تین ارب ڈالر کی ٹرانسفر میں تمام قانونی معاملات طے ہوگئے اور یہ ڈالر اس ہفتے پاکستان کو مل جائینگے
— Ch Fawad Hussain (@fawadchaudhry) November 25, 2021
یاد رہے کہ پٹرولیم ڈیلر ایسوسی ایشن نے اپنے منافع کے مارجن میں غیر معمولی اضافے کے مطالبات کئے تھے، جو حکومت کی جانب سے منظور نہ ہونے کی وجہ سے انہوں نے 25 نومبر 2021ء کو ملک گیر ہڑتال کرنے کا اعلان کیا تھا، جس کے باعث آج ملک بھر میں عوام میں پٹرول کے حصول میں خاصی دقت کا سامنا رہا۔
آج پاکستان پٹرولیم ڈیلرز ایسوسی ایشن اور حکومت کے درمیان لاہور میں ہونے والے مذاکرات کامیاب ہو گئے جس کے بعد پاکستان پٹرولیم ڈیلرز ایسوسی ایشن نے ہڑتال کی کال واپس لے لی ہے۔
