عاصم افتخار نے کہا کہ ادے پور قتل کیس پر بھارتی میڈیا رپورٹیں دیکھی ہیں جن میں بھارتی مبینہ ملزمان کو پاکستانی تنظیم سے شرپسندانہ طور پرجوڑنے کی کوشش کی گئی ہے۔
ترجمان دفتر خارجہ نے اپنے بیان میں کہا کہ ہم کھلے الفاظ میں ایسے کسی بھی اشارے کو مسترد کرتے ہیں، یہ بی جے پی،آرایس ایس ‘ہندوتوا’ بھارتی حکومت کی پاکستان کو بدنام کرنے کی کوششوں کا حصہ ہے۔
انہوں نے مزید کہا کہ بھارت کی بدنیتی پر مبنی اس کوششوں کے ذریعے بھارتی و بیرون ممالک کے عوام کو گمراہ کرنے میں کامیاب نہیں ہونے دیں گے۔
واضح رہے کہ بھارت کی مشرقی ریاست راجستھان کے شہر اُدے پور میں متنازع سوشل میڈیا پوسٹ پر مبینہ ملزمان کے ہاتھوں ایک ہندو درزی کے قتل کے بعد صورتِ حال کشیدہ ہے۔
