ملالہ یوسف زئی نے برطانیہ کی آکسفورڈ یونیورسٹی سے سیاسیات، معاشیات اور فلسفے میں گریجویشن مکمل کر لی ہے۔
ملالہ یوسف زئی کی گریجویشن کی تقریب کا انعقاد مئی 2020ء میں ہونا تھا، تاہم کرونا وائرس اور لاک ڈاؤن کی وجہ سے یہ تقریب ملتوی کر دی گئی تھی۔یونیورسٹی انتظامیہ نے گریجویشن کی تقریبات کا اس سال ستمبر میں دوبارہ مرحلہ وار آغاز کیا تھا، جس سلسلے میں جمعے کے روز ملالہ یوسف زئی نے اپنی گریجویشن کی تقریب میں شرکت کی۔
ملالہ یوسف زئی نے سوشل میڈیا پر اپنے والدین اور شوہر کے ساتھ یونیورسٹی کانووکیشن کے لباس میں ملبوس تصاویر شیئر کی ہیں، جس میں وہ خوشی کا اظہار کر رہی ہیں۔
View this post on Instagram
ملالہ کے شوہر عصر ملک نے بھی آکسفورڈ یونیورسٹی کے حوالے سے سوشل میڈیا پر پوسٹ کرتے ہوئے لکھا کہ یہ وہ جگہ ہے جہاں ہم پہلی مرتبہ ملے تھے۔ انہوں نے کہا کہ ملالہ کی ڈگری کے بعد یہ مقام اور خاص بن گیا ہے۔
View this post on Instagram
ملالہ یوسفزئی کے والد ضیاالدین یوسف زئی نے سوشل میڈیا پر پوسٹ کرتے ہوئے کہا ہے کہ یہ ہمارے لئے خوشی اور شکر ادا کرنے کا مقام ہے۔
A moment of joy and gratitude. @Malala officially graduates from @UniofOxford 👩🎓 pic.twitter.com/bml76UHoiD
— Ziauddin Yousafzai (@ZiauddinY) November 26, 2021
