کورونا وائرس کی نئی اور مہلک قسم اومی کرون کا تیز رفتار پھیلاؤ روکنے کیلئے عالمی سطح پر ہنگامی اقدامات کا سلسلہ جاری ہے۔
برطانیہ، جرمنی اور اٹلی میں کورونا وائرس کی نئی قسم اومیکرون کے کیسز سامنے آئے ہیں جبکہ برطانوی وزیراعظم نے اس پر قابو پانے کے لیے ضوابط مزید سخت کر دیے ہیں۔برطانوی خبر رساں ادارے کے مطابق مزید کئی ممالک نے جنوبی افریقہ کے ساتھ سفری پابندیوں کا اعلان کیا ہے جہاں سے سامنے آنے والے نئے کورونا ویرئینٹ نے دنیا کو تشویش میں مبتلا کر دیا ہے۔
اومی کرون کے دنیا میں تیزی سے پھیلاؤ کے سبب امریکا، کینیڈا، برطانیہ اور سعودی عرب کے بعد جنوبی کوریا نے بھی افریقی ملکوں سے پروازیں بند کر دی ہیں۔امریکی صدر جوبائیڈن کے مشیر صحت ڈاکٹر انتھونی فاؤچی نے خدشہ ظاہر کیا ہے کہ اس بات کا امکان موجود ہے کہ اومی کرون پہلے ہی امریکا پہنچ چکا ہو۔ادھر اسرائیل نے کہا ہے کہ وہ ملک میں تمام غیرملکیوں کا داخلہ بند کرے گا اور وائرس کو روکنے کےلیے موبائل فون ٹیکنالوجی استعمال کرے گا۔اٹلی نے نیشنل ہیلتھ انسٹیٹوٹ کا کہنا ہے کہ میلان میں موزمبیق سے آنے والے ایک شخص میں اومیکرون کی شناخت ہوئی ہے۔چیک رپبلک کے حکام نے بھی کہا ہے کہ وہ نیمیبیا سے آنے والے مشتبہ شخص میں اس ویرئنٹ کی موجودگی کا جائزہ لے رہے ہیں۔
