امریکی حکومت نے افغانستان میں غیر ملکی امداد کے عمل میں آسانی کیلئے دو لائسنس جاری کرنے کا فیصلہ کیا ہے جس کے تحت امریکی اور اقوام متحدہ کی این جی اوز اور اداروں کو طالبان اور حقانی نیٹ ورک کےساتھ لین دین کی اجازت دی گئی ہے۔ اس کے علاوہ دیگر عالمی تنظیموں کو بھی افغانستان میں امدادی اور دیگر سرگرمیوں کیلئے طالبان اور حقانی نیٹ ورک کےساتھ لین دین کی اجازت دی جائے گی۔ تفصیلات کے مطابق امریکی حکام یہ سمجھتے ہیں کہ طالبان پر لگائی گئی پابندیاں افغانستان کے انسانی بحران میں اضافہ کر سکتی ہیں۔
امریکی لائسنسز کے ساتھ این جی اوز اور عالمی اداروں کوطالبان اور حقانی نیٹ ورک کے ساتھ خوراک، ادویات اور طبی آلات کی ترسیل، برآمد اور دیگر امور کیلئے لین دین کی اجازت دی جائے گی۔
