امریکی ڈالر کے مقابلے میں پاکستانی روپے کی قدر میں ایک بار پھر بہتری آئی ہے۔

انٹربینک تبادلہ مارکیٹ میں ڈالر کی قدر روپے کے مقابلے میں 24  پیسے گری گئی ہے۔

انٹربینک میں ڈالر کا بھاؤ 24 پیسے کم ہوکر 175 روپے 48 پیسے ہے جبکہ  اوپن مارکیٹ میں ڈالر کا بھاؤ 177 روپے ہے۔

روپے کی قدر میں اضافہ کیوں ہوا؟

ڈالر کے مقابلے میں روپے کی قدر میں اضافے پر بات کرتے ماہرین  نے کہا کہ حالیہ ہفتوں میں مقامی کرنسی کی قدر میں ہونے والے اضافے کی کئی وجوہات ہیں جن میں درآمدات میں کمی، ترسیلات زر اور برآمدات میں اضافہ، روشن ڈیجیٹل اکاؤنٹ کے ذریعے بیرون ملک مقیم پاکستانیوں کی جانب سے ملک میں آنے والی سرمایہ کاری ہے۔ماہرین کا کہنا تھا کہ برآمدات میں ہونے والے اضافے نے بھی روپے کو سہارا دیا تو دوسری جانب بیرونِ ملک پاکستانیوں کی جانب سے بھیجی جانے والی رقوم بھی روپے کی قدر میں اضافے کا باعث بنیں جس کی وجہ سے مجموعی طور پر کرنٹ اکاؤنٹ یعنی جاری کھاتےسرپلس ہوئے۔ان کا مزید کہنا تھا کہ بیرون ملک پاکستانیوں کی جانب سے ملک بھیجی جانے والی رقوم دو ارب ڈالر ماہانہ سے زائد ہیں۔