وزیراعظم عمران خان نے کہا ہے کہ سمندر پار پاکستانی ملک کا قیمتی اثاثہ ہیں، کمیونٹی ویلفیئر اتاشیوں کے نظام کو موثر بنانے کی ضرورت ہے۔

(اے پی پی):وزیراعظم عمران خان نے کمیونٹی ویلفیئر اتاشیوں کے نظام کو مؤثر اور فعال بنانے کی ہدایت کرتے ہوئے کہا ہےکہ سمندر پار پاکستانی جو ملک کا قیمتی اثاثہ ہیں، کی فلاح و بہبود کویقینی بنایا جا ئے۔

یہ ہدایت وزیراعظم نے معاون خصوصی برائے سمندر پار پاکستانیز ایوب خان آفریدی سے گفتگو کرتے ہوئےکی جنہوں نے جمعہ کویہاں ان سے ملاقات کی۔ ملاقات میں سپین کے ساتھ دوہری شہریت اور پاکستانی نژاد کارڈ کے بغیر بیرون ملک مقیم پاکستانیوں کو ویزے کے اجراء سے متعلق امور پر تبادلہ خیال کیا گیا۔

ملاقات میں وزیر اعظم نے کمیونٹی ویلفیئر اتاشیوں (سی ڈبلیو اے) کے نظام کو مؤثر اور فعال بنانے کی ہدایت کی تاکہ سمندر پار پاکستانیوں، جو ملک کا قیمتی اثاثہ ہیں، کی فلاح و بہبود کویقینی بنایا جا سکے۔