وفاقی حکومت نے موجودہ آئی جی اسلام آباد قاضی جمیل الرحمٰن  کو عہدے سے ہٹا کر ان کی جگہ احسن یونس کو آئی جی اسلام آباد مقرر کر دیا ہے۔

اسٹیبلشمنٹ ڈویژن کی جانب سے نئی تقرری کا نوٹیفکیشن جاری کر دیا گیا ہے، جس میں قاضی جمیل الرحمٰن کو اسٹیبلشمنٹ ڈویژن رپورٹ کرنے کی ہدایت کی گئی ہے۔

احسن یونس اس سے وقت ڈی جی آپریشنز لاہور کے عہدے پر تعینات ہیں، اور اس سے قبل وہ سی پی او راولپنڈی بھی رہ چکے ہیں۔

ذرائع کے مطابق قاضی جمیل الرحمٰن کو شہر میں جرائم پر قابو پانےمیں ناکامی پر ہٹایا گیا ہے۔

یاد رہے کہ قاضی جمیل الرحمٰن  کو رواں برس 7 جنوری کو آئی جی اسلام آباد تعینات کیا گیا تھا۔