وفاقی وزیر اطلاعات فواد چوہدری نے آج سری لنکا کے ہائی کمشنر موہن ویجے وکرما سے ملاقات کی ہے، وزیراعظم کے معاون خصوصی برائے امور نوجوانان عثمان ڈار بھی اس موقع پر موجود تھے۔
اسلام آباد – (اے پی پی): آج کی ملاقات میں حکومتی وفد نے سری لنکن ہائی کمشنر موہن ویجے وکرما سے سری لنکا کے شہری کے ساتھ سیالکوٹ میں پیش آنے والے واقعے پر افسوس کا اظہار کیا۔
Federal Minister Information @fawadchaudhry met with the High Commissioner of Sri Lanka H.E. @MWijewickrama and apprised him on the steps being taken by the Federal Government with respect to the unfortunate incident in Sialkot. pic.twitter.com/ovt83ziyzm
— PTV World (@WorldPTV) December 7, 2021
وفاقی وزیر اطلاعات نے سری لنکا کے ہائی کمشر کو سانحہ سیالکوٹ کے بعد حکومت کی جانب سے اٹھائے گئے اقدامات سے آگاہ کیا، اور بتایا کہ سیالکوٹ واقعہ کی ملک بھر میں تمام مکتبہ فکر کے افراد کی طرف سے مذمت کی گئی ہے۔وفاقی وزیر اطلاعات نے سری لنکا کے ہائی کمشنر کو بتایا کہ سانحہ سیالکوٹ میں ملوث تمام ملزمان کو گرفتار کر لیا گیا ہے۔
اس موقع پر سری لنکن ہائی کمشنر نے حکومت پاکستان کے اقدامات پر اطمینان کا اظہار کرتے ہوئے کہا کہ سانحہ سیالکوٹ سے دونوں ممالک کے تعلقات پر اثر نہیں پڑے گا۔
