آرمی چیف جنرل قمر جاوید باجوہ اور چیئرمین جوائنٹ چیف آف سٹاف کمیٹی جنرل ندیم رضانے بھارتی چیف آف ڈیفنس سٹاف جنرل بپن راوت کی ہلاکت پرتعزیت کا اظہار کیا ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان میں آرمی چیف جنرل قمر جاوید باجوہ اور چیئرمین جوائنٹ چیف آف سٹاف کمیٹی جنرل ندیم رضا کی جانب سے بھارتی ریاست تامل ناڈو میں ہونے والے ہیلی کاپٹر حادثے میں جنرل بپن راوت اور ان کی اہلیہ سمیت دیگر ہلاکتوں پر افسوس کا اظہار کیا ہے۔
General Nadeem Raza, CJCSC & General Qamar Javed Bajwa, COAS express condolences on tragic death of #CDS General #BipinRawat, his wife and loss of precious lives in a helicopter crash in India
— DG ISPR (@OfficialDGISPR) December 8, 2021
یاد رہے کہ آج صبح بھارت کے چیف آف ڈیفنس سٹاف جنرل بپن راوت کے ہیلی کاپٹر کو بھارتی ریاست تامل ناڈو میں حادثہ پیش آیا تھا، جس کے نتیجے میں ہیلی کاپٹر میں سوار 14 میں سے 13 افراد ہلاک ہو گئے تھے۔ ہلاک ہونے والوں میں بپن راوت اور ان کی اہلیہ بھی شامل تھیں۔
