عالمی مارکیٹ میں سونے کی فی اونس قیمت میں 7 ڈالر کمی ہونے کے باوجود پاکستان میں سونے کی قیمت کل کی سطح پر برقرار رہی۔
سندھ صرافہ ایسوسی ایشن کے مطابق سونے کی فی تولہ قیمت میں آج کوئی اضافہ دیکھنے میں نہیں آیا، اور سونے کی قیمت کل کی سطح یعنی ایک لاکھ 24 ہزار 300 روپے فی تولہ پر برقرار رہی۔
یاد رہے کہ پاکستان میں گذشتہ 2 روز کے دوران سونے کی فی تولہ قیمت میں 600 روپے کا اضافہ ہوا تھا۔
ماہرین کا کہنا ہے کہ آج عالمی مارکیٹ میں سونے کی قیمت میں گراوٹ کے پاکستان کی صرافہ مارکیٹ پر اثرات آئندہ چند روز میں سامنے آئیں گے۔
