میری ٹائم سیکیورٹی ایجنسی پاکستان نے کامیاب ریسکیو آپریشن کرتے ہوئے سمندر میں پھنسے 13 ماہی گیروں کی زندگی بچا لی ہے۔
تفصیلات کے مطابق پاکستان میری ٹائم سیکیورٹی ایجنسی کی ٹیم معمول کے سمندری گشت پر تھی کہ اس دوران انہیں ایمرجنسی کال موصول ہوئی کہ ماہی گیروں کی ایک کشتی کھلے سمندر میں کشتی کا انجن خراب ہونے کی وجہ سے خراب کھڑی ہے۔
پاکستان میری ٹائم سکیورٹی ایجنسی کی ٹیم مدد کیلئے فوری روانہ ہوئی اور موقع پر پہنچ کر مصیبت زدہ عملے کو پہلے کھانا اور طبی امداد فراہم کی، پھر ان کی کشتی کو ریسکیو کر کے گوادر بندرگاہ پہنچا دیا گیا ہے۔
ماہی گیروں کی کشتی اپنے معمول کے کام پر نکلی تھی، جو سمندر میں کسی نامعلوم چیز سے ٹکرا کر خراب ہو گئی تھی، میری ٹائم سیکیورٹی کی بروقت کاروائی سے ماہی گیر جانی اور مالی نقصان سے محفوظ رہے
