پاک بحریہ کے جہاز طغرل نے ملائیشیا کا دورہ کیا ہے، جہاں دونوں ممالک کی بحری افواج نے مشترکہ مشقیں بھی کیں۔
پاک بحریہ کی جانب سے جاری کی گئی تفصیلات کے مطابق جہاز طغرل نے پاکستان کا پرچم لہراتے ہوئے جذبہ خیر سگالی کے تحت ملائیشیا کی بندرگاہ لوموت کا دورہ کیا۔
بندرگاہ آمد پر پاک بحریہ کے جہاز طغرل کا کوالالمپور میں پاکستان کے دفاعی اتاشی اور رائل ملائیشین نیوی کے اعلیٰ حکام نے استقبال کیا۔
پی این ایس طغرل کے دورے میں ہاربر اور سمندری مراحل شامل تھے۔ ہاربر فیز میں پیشہ وارانہ امور اور دوطرفہ معاملات پر بات چیت ہوئی، جبکہ سمندری مرحلے میں دو طرفہ مشق MALPAK کا انعقاد شامل تھا جس میں رائل ملائیشین نیوی کے تین جہازوں اور ایک ہیلی کاپٹر کے ساتھ پی این ایس طغرل نے حصہ لیا۔
#PakNavy Ship TUGHRIL visited Naval Base Lumut, Malaysia. Upon arrival, PNS TUGHRIL was received by Pak Defence Attaché & senior officials from @tldm_rasmi. During visit, Table top discussions on professional matters & bilateral interactions were held. (1/2) pic.twitter.com/P4oWdOf8gL
— DGPR (Navy) (@dgprPaknavy) December 11, 2021
ترجمان پاک نحریہ کے مطابق طغرل کا دورہ ملائیشیا دونوں ممالک کو موجودہ قریبی سفارتی اور بحری تعلقات کو مزید فروغ دینے میں اہم کردار ادا کرے گا۔
