وزیراعظم عمران خان نے ترک جریدے کو انٹرویو دیتے ہوئے کہا تھا کہ طالبان کے کچھ گروپس سے مذاکرات کر رہے ہیں، جنہیں غیر مسلح ہونے کی صورت میں معاف کیا جا سکتا ہے۔
عمران خان کے بیان کے بعد کالعدم تحریک طالبان پاکستان نے شمالی وزیرستان میں پاک فوج کے خلاف فائر بندی کا اعلان کیا ہے، کالعدم ٹی ٹی پی کے اعلامیے میں اس کی تصدیق بھی کر دی گئی ہے۔ اعلامیے میں کہاگیا ہے کہ 20 اکتوبر 2021ء تک فائر بندی کے وعدے پر مکمل عمل کیا جائے گا کیونکہ ہمارے نمائندوں کی حکومت پاکستان سے مذاکرات ہو رہے ہیں۔
