ویسٹ انڈیز کی ٹیم کے کھلاڑیوں میں کورونا کیسز کے باعث دونوں ٹیموں کے مابین ہونے والی ون ڈے سیریز منسوخ کر دی گئی ہے۔
Update: Pakistan-West Indies ODIs postponed, rescheduled for early June 2022. #PAKvWI
Details in the link below:https://t.co/uIM99o3m7H— Pakistan Cricket (@TheRealPCB) December 16, 2021
تفصیلات کے مطابق آج صبح ویسٹ انڈیز کی ٹیم کے 3 کھلاڑیوں اور 2 آفیشلز میں کورونا کی تشخیص ہوئی تھی، جس کے بعددونوں ممالک کے کرکٹ بورڈ کا اجلاس طلب کیا گیا تھا۔ اجلاس میں ٹی ٹونٹی سیریز کا تیسرا اور آخری میچ شیڈول کے مطابق کھیلنے، اور ون ڈے سیریز منسوخ کرنے کا فیصلہ کیا گیا۔
پی سی بی کی جانب سے شیئر کی گئی تفصیلات کے مطابق یہ سیریز اب جون 2022ء میں شیڈول کی جائے گی۔
یاد رہے کہ دونوں ٹیموں کے مابین ون ڈے سیریز کے 3 میچز 18، 20 اور 22 دسمبر 2021ء کو کراچی کے نیشنل سٹیڈیم میں کھیلے جانے تھے۔
یہ بھی واضح رہے کہ ویسٹ انڈیز کے 6 کھلاڑی اب تک کورونا کی وجہ سے ٹور سے باہر ہو چکے ہیں جبکہ ڈیون تھامس انجری کا شکار ہیں، جس کے باعث ویسٹ انڈیز حکام کا کہنا تھا کہ ان حالات میں دورہ جاری رکھنا ممکن نہیں ہے۔
