عرب فوجی اتحاد نے یمن کے مختلف علاقوں میں تازہ کاروائیوں کے دوران 80 حوثی باغیوں کو ہلاک کرنے کا دعویٰ کیا ہے۔

عرب فوجی اتحاد کے مطابق یمن میں حوثی دہشت گردوں کے خلاف عرب اتحاد کا آپریشن جاری ہے، اتحادی فورسز نے مارب اور الجوف کے علاقوں میں گزشتہ 24 گھنٹے کے دوران 19 اہدافی حملے کئے، جن میں ایران نواز و دیگر حوثی ملیشیاء کے 80 جنگجو ہلاک اور ان کی 12 فوجی گاڑیاں تباہ کر دی گئی ہیں۔

عرب اتحاد کی جاب سے جاری باین میں کہا گیا ہے کہ حوثیوں باغیوں کی دہشت گردانہ کارروائیوں سے یمنی عوام کی زندگیاں خطرے میں ہیں، جبکہ حوثیوں کی جانب سے سعودی عرب کی سرحدی حدود کی خلاف ورزیاں اور حملے مسلسل جاری ہیں، جن میں عام شہریوں کو بھی نشانہ بنایا جا رہا ہے۔