وزیراعلیٰ عثمان بزدار نے کہا ہے کہ پنجاب میں تمام فیصلے مشاورت سے کئے جاتے ہیں، ون مین شو پر یقین نہیں رکھتا ۔
تفصیلات کے مطابق وزیراعلیٰ پنجاب عثمان بزدار سے ملاقات کرنے والوں میں میاں جلیل احمد شرقپوری،محمد غیاث الدین اور چوہدری اشرف علی انصاری شامل تھے۔
ملاقات میں حلقوں کے مسائل، فلاح عامہ کے منصوبوں اور ترقیاتی اسکیموں کے حوالے سے گفتگو کی گئی ۔ارکان پنجاب اسمبلی نے عثمان بزدار کی قیادت پر مکمل اعتماد کا اظہار کیا۔اس موقع پر ارکان پنجاب اسمبلی کا کہنا تھا کہ آپ خلوص نیت سے پنجاب کے عوام کی خدمت کر رہے ہیں، آپ نے سیاست میں شائستگی، رواداری اور شفافیت کے کلچرکو فروغ دیا ہے، آپ منتخب نمائندو ں کو عزت دیتے ہیں اور ان کے مسائل ترجیحی بنیادوں پر حل کر تے ہیں، آپ نے پنجاب میں حقیقی معنوں میں وہ کام کئے جو ماضی میں کوئی نہ کر سکا۔
وزیر اعلی پنجاب @UsmanAKBuzdar سے مسلم لیگ ن کے 3 ارکان پنجاب اسمبلی کی ملاقات: حلقوں کے مسائل، فلاح عامہ کے منصوبوں اور ترقیاتی سکیموں کے حوالے سے گفتگو
ارکان پنجاب اسمبلی کا وزیر اعلی عثمان بزدار کی قیادت پر مکمل اعتماد کا اظہار pic.twitter.com/uCVhcGeIoC— CM Punjab (Updates) (@CMPunjabPK) December 22, 2021
عثمان بزدار کا کہنا تھا کہ ارکان پنجاب اسمبلی میرے ساتھی ہیں، سب کو ساتھ لے کر چلتا ہوں، آپ کی عزت میری عزت ہے، منتخب نمائندوں کے احترام پر حرف نہیں آنے دیں گے، تنقید برائے تنقید کرنے والے عناصر کا ایجنڈا ترقی کے سفر کو روکنا ہے، ان کا یہ ایجنڈا پاکستان کے مفادات سے متصادم ہے۔
وزیراعلیٰ پنجاب نے کہا کہ مخالفین کی پرواہ کیے بغیر عوامی خدمت کے مشن کو مزید تیزی سے آگے بڑھا رہے ہیں۔انہوں نے مزید کہا کہ کھوکھلے نعرے نہیں لگائے، ہم صرف عوام کی خدمت کر رہے ہیں اور کرتے رہیں گے۔
