مسافر کشتی میں آگ لگنے سے 32 افراد جاں بحق ہوگئے۔
میڈیا کے مطابق بنگلادیش میں جھالکوکٹھی کے نزدیک مسافر کشتی اوبھوجان ٹین میں دریا کے وسط میں آگ بھڑک اٹھی۔ 3 منزلہ کشتی میں 500 مسافر سوار تھے۔
مقامی پولیس افسر معین السلام نے غیرملکی خبرایجنسی کو بتایا کہ زیادہ تراموات آگ کے باعث ہوئیں جبکہ کچھ مسافروں نے جان بچانے کے لیے دریا میں چھلانگ بھی لگا دی۔
ابتدائی تحقیقات کےمطابق کشتی میں آگ انجن روم میں لگی جس نے پوری کشتی کو لپیٹ میں لے لیا۔کشتی میں سوار افراد ڈھاکا سے واپس آرہے تھے۔
32 dead in #Bangladesh ferry fire, 100 others injured. boat caught fire in a river in Jhalokati state in Bangladesh, about 200 kilometers south of #Dhaka pic.twitter.com/zqtkfa5AnA
— Sandeep Seth (@sandipseth) December 24, 2021
کشتی میں موجود 100 سے زائد مسافروں کو آگ لگنے سے آنے والے زخموں کے علاج کے لیے بریسل اسپتال منتقل کیا گیا ہے۔ جانی نقصان میں اضافے کا خدشہ بھی ظاہر کیا گیا ہے۔
