وزیراعلیٰ قدوس بزنجو نے گوادر دھرنے کے شرکا میں‌ پیسوں کی تقسیم کی جس پر ان کے خلاف نااہلی کی درخواست بلوچستان ہائی کورٹ میں دائر کر دی
تفصیلات کے مطابق گوادر دھرنے کے شرکا کو رقم تقسیم کرنے کے معاملے پر بلوچستان ہائی کورٹ میں قدوس بزنجو کے خلاف نااہلی کی درخواست دائر کی گئی۔
بلوچستان ہائی کورٹ نے اس درخواست کو سماعت کے لیے مقرر کرتے ہوئے دو مارچ کی تاریخ دے دی۔ درخواست گزار امان اللہ کنرانی ایڈوکیٹ نے بتایا کہ درخواست میں نامزد فریقین کو دو مارچ کی طلبی کے نوٹسز جاری کردیے گئے ہیں۔
درخواست میں کہا گیا ہے کہ وزیراعلیٰ بلوچستان نے دھرنے کے شرکا کو پیسے تقسیم کر کے سپریم کورٹ کے فیصلے کی خلاف ورزی کی۔ امان اللہ کنرائی نے کہا کہ وہ پُرامید ہیں کہ معزز جج صاحبان سپریم کورٹ کے حکم کی خلاف ورزی پر وزیراعلیٰ کو نااہل کردیں گے۔
یاد رہے کہ بلوچستان کے علاقے گوادر میں مقامی شہریوں نے کئی روز تک دھرنا دیا اور ریلیاں نکالی تھیں، جس پر عمران خان نے نوٹس لے کر ایک کمیٹی تشکیل دی اور مظاہرین کے جائز مطالبات پوری کرنے کی ہدایت کی تھی۔