طالبان کے ترجمان عبدالقہار بلخی نے نے کہا ہے کہ  امارت اسلامی روس کے صدر ولادیمیر پیوٹن کے بیان کا خیرمقدم کرتی ہے۔

تفصیلات کے مطابق طالبان کے ترجمان عبدالقہار بلخی نے سماجی رابطے کی ویب سائٹ ٹوئٹر پر جاری ایک بیان میں کہا ہے کہ امارت اسلامی روس کے صدر ولادیمیر پیوٹن کے بیان کا خیرمقدم کرتی ہے کہ پیغمبر اسلام حضرت محمد ﷺ کی شان میں گستاخی آزادی اظہار رائے نہیں  بلکہ یہ آزادی مذہب اور مسلمانوں کے مقدس جذبات کی خلاف ورزی ہے۔

IEA welcomes comments by the Russian President Vladimir Putin that blasphemy of Prophet Muhammad (PBUH) is not an expression of artistic freedom, rather it is a violation of freedom of religion & the sacred sentiments of Muslims. pic.twitter.com/7oLWUEx2wS

— Abdul Qahar Balkhi (@QaharBalkhi) December 24, 2021

اس کے علاوہ انہوں نے کہا کہ  صدر پیوٹن  کا نئی افغان حکومت کو تسلیم کرنے کے حوالے سے دیا گیا بیان خوش آئند ہے۔روسی صدر ولادیمیر پیوٹن نے  جمعرات کو سالانہ پریس کانفرنس کرتے ہوئے کہا تھا کہ  شان رسالت ﷺ میں گستاخی لوگوں کو ناراض کرنے اور اشتعال دلانے کا باعث بنتی ہے اور پیغمبر اسلام حضرت محمد ﷺ کی شان میں گستاخی آزادی اظہار رائے نہیں۔

یاد رہے کہ روسی صدر ولادی میر پیوٹن نے کہا تھا کہ پیغمبر اسلامﷺ کی توہین آزادی اظہار نہیں ہے۔اس کے بعد وزیراعظم عمران خان نے روسی صدر کے پیغمبراسلام ﷺ سے متعلق بیان کا خیرمقدم کیا تھا۔ٹوئٹر پر جاری بیان میں وزیراعظم عمران خان نے لکھا کہ میرےپیغام کی تصدیق کی روسی صدر ‏کے بیان کا خیرمقدم کرتاہوں نبی پاک ﷺکی توہین آزادی اظہارنہیں ہے۔وزیراعظم نے کہا کہ مسلم امہ کو اسلاموفوبیا کے مقابلے کیلئے پیغام کو غیرمسلم دنیا تک پہنچانا ‏چاہیے۔

I welcome President Putin’s statement which reaffirms my message that insulting our Holy Prophet PBUH is not ” freedom of expression”. We Muslims, esp Muslim leaders, must spread this message to leaders of the non-Muslim world to counter Islamophobia. https://t.co/JUKKvRYBSx

— Imran Khan (@ImranKhanPTI) December 24, 2021