قومی کرکٹر اور قائد اعظم ٹرافی میں خیبر پختون خوا کی ٹیم کی نمائندگی کرنے والے فخر زمان کی گراؤنڈ اسٹاف کے ہمراہ کھانا کھانے کی ویڈیو سوشل میڈیا پر وائرل ہوگئی ہے۔
ایک ویڈیو شیئر کی گئی ہے جس میں قومی کھلاڑی کو قائد اعظم ٹرافی کے فائنل میں گراؤنڈ اسٹاف کے ساتھ زمین پر بیٹھے کھانا کھاتے دیکھا جا سکتا ہے۔ٹوئٹ میں کیپشن دیا گیا کہ کھانے کے وقفے کے دوران کرکٹر فخر زمان گراؤنڈ اسٹاف کے پاس پہنچ گئے اور میدان میں ہی گراؤنڈ اسٹاف کے ساتھ کھانا کھایا۔
Stay true in the Dark and Humble in the Spotlight . True Qalandar @FakharZamanLive ❤️se https://t.co/cNMjcZToC0
— Sameen Rana (@sameenrana) December 29, 2021
لاہور قلندرز کے چیف آپریٹنگ آفیسر اور ٹیم منیجر ثمین رانا نے اس ویڈیو پر تبصرہ کرتے ہوئے فخر زمان کو حقیقی قلندر قرار دیا۔فخر زمان کی ویڈیو پر صارفین تبصرہ کرتے ہوئے انہیں ہیرو کہہ رہے ہیں اور ان کی عاجزی کو بھی خوب پزیرائی مل رہی ہے۔
