کراچی کےعلاقے طارق روڈ کے پارک پر تجاوزات کے خلاف آپریشن شروع کردیا گیا۔
آپریشن دلکشا پارک پر قائم تجاوزات کے خلاف کیا گیا جس میں اسسٹنٹ کمشنر فیروز آباد، اینٹی انکروچمنٹ، رینجرز اور پولیس بھی موجود تھی۔مدینہ مسجد کے عقب میں دلکشا پارک کی زمین قائم کی گئی 10 دکانیں گرا دی گئیں۔
حکام کے مطابق دکانیں غیر قانونی طور پر قائم کی گئی تھیں جنہیں سپریم کورٹ کے حکم پر گرایا گیا۔حکام کا کہنا ہے کہ آپریشن کے دوران کسی مزاحمت کا سامنا نہیں کرنا پڑا۔
پولیس کا کہنا ہے کہ طارق روڈ کے قریب واقع پارک کو بحال کرایا جا رہا ہے، سپریم کورٹ نے پارک کو ایک ہفتے میں واگزار کرانے کا حکم دیا تھا۔
