وزیر اعظم کے مشیر برائے تجارت عبدالرزاق داؤد کا کہنا ہے کہ چھ ماہ میں مجموعی طور پر پاکستان کی برآمدات میں 25 فیصد اضافہ ہوا ہے۔
تفصیلات کے مطابق سماجی رابطے کی ویب سائٹ ٹوئٹر پر اپنے بیان میں ان کا کہنا تھا کہ ماہ دسمبر 2021 میں ملکی برآمدات میں 16.7 فیصد کا اضافہ ہوا، دسمبر میں برآمدات کا ہدف 2 ارب 80 کروڑ ڈالر تھا، تاہم اس ماہ کل برآمدات 2 ارب 76 کروڑ 10 لاکھ ڈالر کی رہیں، جب کہ گزشتہ سال دسمبر میں کل برآمدات 2 ارب 36 کروڑ 60 لاکھ ڈالر کی تھیں۔
Early indications are that the growth in imports has started to decrease. 🇵🇰 imports during Dec 2021 decreased 🔽 to USD 6.9 billion as compared to USD 7.9 billion in Nov 2021. This is a decrease of USD 1 billion. The import projection for Dec 2021 was USD 6.2 billion. 1/4
— Abdul Razak Dawood (@razak_dawood) January 2, 2022
مشیر تجارت کے مطابق رواں مالی سال کے پہلے چھ ماہ میں برآمدات میں مجموعی طور پر 25 فیصد کا اضافہ ہوا، رواں مالی سال کی پہلی ششماہی میں 15 ارب 12 کروڑ 50 لاکھ ڈالر کی برآمدات ہوئیں، جب کہ گزشتہ مالی سال اسی عرصے میں 12 ارب 11 کروڑ ڈالر کی کل برآمدات تھیں، رواں مالی سال کے پہلے چھ ماہ میں 15 ارب ڈالر کا کل ہدف رکھا تھا۔
During the first half of the current FY (Jul-Dec 2021), exports increased by 25% to USD 15.125 billion as compared to USD 12.110 billion during Jul-Dec 2020. The Export Target for first half of this FY was USD 15 billion. 3/4
— Abdul Razak Dawood (@razak_dawood) January 2, 2022
عبدالرزاق داؤد نے مزید کہا کہ رواں مالی سال کے پہلے چھ ماہ میں 15 ارب ڈالر کا کل ہدف رکھا گیا تھا جو کہ ناصرف پورا ہوا بلکہ ہم نے اس سے تجاوز کیا ہے۔
