معاون خصوصی برائے سیاسی ابلاغ ڈاکٹر شہباز گل نے کہا ہے کہ 2021 میں پی ایس ایکس کا تجارتی حجم 4 سال کا بلند ترین رہا۔
ڈاکٹر شہباز گل نے ٹوئٹر پر جاری ایک پیغام میں کہا ہے کہ معیشت پر پروپیگنڈا کرنے والے درباریوں کے معلومات میں اضافے کیلئے 258 ارب کے مجموعی منافع کیساتھ پی ایس ایکس نے 10 برس میں سب سےزیادہ منافع کمایا۔
انہوں نے کہا کہ 2021 میں پاکستان اسٹاک ایکسچینج کا تجارتی حجم 4 سال کا بلند ترین رہا ، 2020 کی اشیاء کی بہترین اور پوری دنیا میں تیزی کے لحاظ سے دوسری بیسٹ پرفارمر کا اعزاز بھی ملا ہے۔
معیشت پر پروپیگنڈہ کرنے والے درباریوں کے معلومات میں اضافے کیلئے..
258ارب کے مجموعی منافع کیساتھ PSX نے 10سالوں میں سب سےزیادہ منافع کمایا
2021 میں PSX کا تجارتی حجم 4 سال کا بلند ترین رہا
2020 کی ایشیا کی بہترین اور پوری دنیا میں تیزی کے لحاظ سے دوسری بسٹ پرفارمر کا اعزاز. pic.twitter.com/kXXVu84WQc
— Dr. Shahbaz GiLL (@SHABAZGIL) January 7, 2022
دوسری جانب وفاقی وزیر اطلاعات ونشریات فواد چوہدری نے سماجی رابطے کی ویب سائٹ ٹوئٹر پر جاری اپنی ٹوئٹ میں لکھا کہ پاکستان اسٹاک مارکیٹ نے 258 بلین روپے کے مجموعی منافع کا دعویٰ کیا ہے جوکہ 10 سالوں میں سب سے زیادہ ریکارڈ منافع ہے۔فواد چوہدری نے مزید کہاکہ یہ بڑی کامیابی عالمی و با کورونا وائرس کے باوجود حاصل ہوئی۔
