وزارت قانون نے سپریم کورٹ آف پاکستان  کے سینئر جج جسٹس عمرعطا بندیال کی بطورچیف جسٹس تعیناتی کی سمری تیارکرلی ہے۔

ذرائع کا کہنا ہے کہ  سیکرٹری وزارت قانون وانصاف نے سمری منظوری کیلئے ایوان صدر ارسال کردی ہے، جس کے مطابق  صدر مملکت جسٹس عمرعطا بندیال کی بطور چیف جسٹس تعیناتی کی منظوری دیں گے۔

ذرائع کے مطابق صدر مملکت کی منظوری کے بعد وزارت قانون و انصاف چیف جسٹس پاکستان کا نوٹیفکیشن جاری کرےگی۔

یاد رہے کہ موجودہ چیف جسٹس پاکستان جسٹس گلزار احمد یکم فروری 2022ء کو ریٹائر ہوجائیں گے، جس کے بعد جسٹس عمر عطا بندیال 2 فروری 2022ء کو بطور چیف جسٹس اپنے عہدے کا حلف اٹھائیں گے۔