سوشل میڈیا پر ایک ویڈیو وائرل ہو رہی ہے، جس پر دعویٰ کیا جا رہا ہے کہ یہ چین نے مصنوعی سورج کی لانچنگ کا کامیاب تجربہ کیا ہے۔
سوشل میڈیا پر وائرل ہونے والی ویڈیو میں دیکھا جا سکتا ہے کہ لوگوں کا ایک ہجوم ساحل پر کھڑے ہو کر زمین سے اٹھنے والے سورج نما آگ کے ایک گولے کی ویڈیو ریکارڈ کر رہے ہیں، جو سورج ہی کی طرح معلوم ہوتا ہے، اور وہ آسمان کی جانب بڑھنا شروع کر دیتا ہے۔
China debuted a new artificial sun ‼️😳
pic.twitter.com/6ncKa4VQy0— RapTV (@raptvcom) January 10, 2022
اس ویڈیو کو لیکر سوشل میڈیا صارفین نے تبصرے کئے کہ یہ چین نے مصنوعی سورج کا تجربہ کیا ہے، یہاں تک کہ ایک صارف نے اس کی تپش کی شدت کا حوالہ بھی پیش کر دیا۔اس ویڈیو کو اب تک 60 لاکھ سے زائد افراد دیکھ کر اس کی حقیقت کے متعلق سوچ میں گم ہیں، کہ اگر یہ سورج نہیں ہے تو پھر کیا ہے۔
برطانوی نیوز ایجنسی روئٹرز کے فیکٹ چیک ڈیپارٹمنٹ نے یہ گتھی سلجھا دی ہے، روئٹرز کی رپورٹ میں بتایا گیا ہے کہ یہ مصنوعی سورج کا تجربہ نہیں بلکہ چین کے شہر وین چانگ میں سپیس کرافٹ لانچ سائٹ پر راکٹ لانچنگ کی ویڈیو ہے۔
A viral video has been miscaptioned by users falsely claiming that it shows the launch of an “artificial sun” in China. The clip actually shows a rocket launch at the Wenchang Spacecraft Launch Site https://t.co/Mlp2pbXSc7
— Reuters Fact Check (@ReutersFacts) January 10, 2022
روئٹرز کی رپورٹ کے مطابق اس ویڈیو میں دیکھا جانے والا مقام وین چانگ اسپیس کرافٹ لانچ سائٹ کے قریب ساحلی شہر لانگلو سے ملتا جلتا ہے۔
