مسلم لیگ ن کی نائب صدر مریم نواز کا وزیراعظم عمران خان اور وفاقی وزیر دفاع پرویز خٹک کی تلخ کلامی پر ردعمل سامنے آیا ہے۔

ٹوئٹر پر جاری اپنے بیان میں مریم نواز کا کہنا تھا کہ یہ ابھی شروعات ہیں، انہوں نے کہا کہ عمران خان صاحب کی اپنی جماعت کے وزیر ان کے ساتھ جو سلوک کر رہیں، یہی جھوٹے، سازشی اور ظالم شخص کا انجام ہوتا ہے، اور یہی اللّہ کا نظام ہے جس پر دنیا چلتی ہے۔ چند دن کی وزارت عظمیٰ کی خاطر جرائم سے اپنے ہاتھ رنگ لینا اور نشان عبرت بن جانا گھاٹے کا سودا ہے۔

عمران خان صاحب کی اپنی جماعت وزیرِ اعظم ہوئے انکے ساتھ جو سلوک کر رہی ہے،جھوٹے،سازشی اور ظالم شخص کا یہی انجام ہوتا ہے۔یہی اللّہ کا نظام ہے جس پر دنیا چلتی ہے۔ چند دن کی وزارت عظمی کی خاطر جرائم سے اپنے ہاتھ رنگ لینا اور نشانِ عبرت بن جانا گھاٹے کا سودا ہے۔یہ ابھی صرف شروعات ہے۔

— Maryam Nawaz Sharif (@MaryamNSharif) January 13, 2022

واضح رہے کہ گذشتہ روز ن لیگ کے ایم پی اے بلال یاسین کے گھر آمد کے موقع پر میڈیا سے گفتگو کرتے ہوئے مریم نواز کا کہنا تھا کہ اس حکومت کو گھر بھیجنے کیلئے کوئی بھی طریقہ اپنانا چاہیے۔