بالی وڈ اداکارہ نے حال ہی میں ایک بالی وڈ اداکار کے بارے میں بتایا ہے کہ انہوں نے انہیں بچپن میں شادی کی پیشکش کی تھی۔
جوہی چاولہ نے مسٹر پرفیکٹ عامر خان کے بھانجے عمران خان کو سالگرہ کی مبارکبا دیتے ہوئے انسٹا گرام پرایک پوسٹ شیئرکر کے ایک پرانا واقعہ بھی صارفین کو بتایا۔ جوہی چاولہ نے عمران خان کی بچپن کی تصاویر شیئر کیں اور کہا کہ جب آپ صرف 6 سال کے تھے، جب آپ نے مجھے شادی کی پیشکش کی تھی، آپ کو اس وقت بھی ہیرے کی خوب پہچان تھی۔
جوہی چاولہ کی پوسٹ پر ان کے مداح ردعمل میں یہی کہہ رہے ہیں کہ عمران خان عامر خان کے ساتھ کسی فلم کی شوٹنگ میں آئے ہوں گے، اور یقیناً یہ تصویر بھی تبھی کی ہو گی، اور انہی دنوں عمران خان نے ایسی بات کی ہو گی۔
یاد رہے کہ عامر خان کے بھانجے عمران خان متعدد فلموں میں کام کرنے کے بعد بالی وڈ سے غیر اعلانیہ کنارہ کشی کر چکے ہیں۔
