وزیر تعلیم پنجاب مراد راس نے کہا ہے کہ اسکول بندہونے سے پہلےدوسری سماجی سرگرمیوں پر پابندی ضروری ہے۔

تفصیلات کے مطابق مراد راس نے اپنے ٹوئٹ میں کہا کہ سب مجھ سے پوچھ رہے ہیں کہ اسکول بند ہوں گے یا نہیں ، اگر مجھ سے میری رائے لی جائے تو اسکولوں سے پہلے دوسری سماجی سرگرمیوں کی بندش ضروری ہے۔صوبائی وزیر نے کہا تھا کہ تعلیمی اداروں کو بند کرنا باقی پابندیوں کے بعد آخری آپشن ہونا چاہیے۔مراد راس نے یہ بھی کہا تھا کہ پچھلے دو برسوں میں طلبہ کا جو نقصان ہوا وہ ناقابلِ تصور ہے۔

For a change I totally agree to this one… shut all Salons, restaurants, gyms, malls and marriage halls before shutting down schools… https://t.co/DYSSiIw8j4

— Sharmila Sahibah faruqui S.I (@sharmilafaruqi) January 14, 2022

شرمیلا فاروقی نے ٹوئٹر پر مراد راس کے گزشتہ روز کیے گئے ٹوئٹ پر ردعمل دیا اور کہا کہ میں آپ سے بالکل اتفاق کرتی ہوں۔انہوں نے کہا کہ تبدیلی کے لیے میں مراد راس کی بات سے پوری طرح اتفاق کرتی ہوں، اسکول بند کرنے سے پہلے تمام سیلون، ریستوراں، جم، مال اور شادی ہال بند کرنے چاہئیں۔