وفاقی وزیر توانائی حماد اظہر نے سابقہ حکومت کو مہنگائی کا ذمہ دار قرار دیتے ہو کہا ہے کہ حکومت جس ریٹ پر بجلی خرید کر عوام کو مہیا کررہی ہے اس میں ڈیڑھ سے دو روپے کا فرق آرہا ہے، جب اس فرق کو اربوں یونٹس کے تناظر میں دیکھا جائے تو یہ گردشی قرضوں میں اضافے کا باعث بن رہا ہے۔
پریس کانفرنس کرتے ہوئے انہوں نے بتایا کس طرح سابقہ حکومت نے بجلی کے مہنگے معاہدے کیے جس کے نتائج آج غریب عوام بھگت رہی ہے۔انہوں نے مزید بتایا کہ اس سال بجلی کی پیداوار میں 6سے 10 فیصد اضافہ ہوا ہے۔
وفاقی وزیر توانائی کا کہا تھا کہ مہنگے اور غیر ضروری بجلی کے معاہدوں کی وجہ سے آج بجلی مہنگی کرنی پڑ رہی ہے۔غریب صارفین کیلئے ان کا کہنا تھا کہ جن کا استعمال 200 یونٹ سے کم ہوگا، اس اضافے کا اطلاق ان پر نہیں ہوگا۔